第一堂義務訓犬班

十月四日，菲比同我上第一堂o既義犬訓練班，

為期六堂的訓練班係免費的，

我覺得佢o地教狗的方法好好，

希望佢o地可以幫到菲比唔比人模的問題啦！

為咗上依個訓練班，我由夜班轉中班，逢星期二返早班，

目的就係逢星期二晚的8:30至10:30可以同菲比去上堂...

因為返早要六點幾出門口，無時間整o野比菲比食，

所以一放工就烚咗d雞柳同牛蹍比菲比，

先比咗小小佢食，諗住去到元朗食飯時再比d佢食，

因為怕佢暈車浪會嘔...

之前買落的菲比去街餐盒...

好方便呢？

大埔有d涼涼地，一於著媽媽親手改的衫仔啦！

真係要讚一讚菲比先得，因為駕小巴的單人位比人坐晒，

唯有坐雙人位啦！怕佢影響隔離位的人，

所以要佢入狗袋，佢全程都好乖，只係間中抓下佢知道可以出來o既地方，

因為我知道佢識得係邊到可以(娟)出o黎，所以我按住咗果三粒鈕的位置，

佢嘗試咗幾次都出唔到o黎後就乖乖係狗袋裏面啦！

唔知點解張相影到佢一隻眼紅色...

去到行咗一陣就同砵砵食晚飯，本來砵砵都想去，

但唔知可唔可以比其他人入，所以都係叫砵砵唔好去，

順便幫我攞o野返屋企...

元朗比大埔熱，所以同菲比除咗件衫，換咗頸帶，

又比咗小小菲比食，因為一陣仲要坐小巴，又唔知坐幾耐，

都係穩陣d好...

我o地坐小巴去到附近落車，然後行咗大約五分鐘到咗村口，

但唔知道要行幾耐先到，沿路都有好多大狗，

又唔知係流浪狗定有人養，搞到我都好驚，又唔知要行幾耐，

問極d人都話唔知係邊，行咗大約十分鐘，見到有條分叉路，

但有幾隻大狗係到，最後就係行返出路口搭的士入去，

原來係分叉路再大約行多五分鐘就到，

咁就送咗二十蚊比個司機啦！

由於唔知可唔可以影相，所以一張相都無影到，

但我覺得佢o地教狗真係好叻，菲比由最初痴住我唔肯落地，

到後來佢o地教我點樣唔比菲比跳翻上我到，

到最後菲比乖乖咁坐係地下，

佢o地話菲比唔比人摸，邊個摸佢就會想咬人，

其實菲比無錯，錯o既係人點解d人要摸佢，人都會選擇朋友，

菲比可能都係到選擇緊朋友呢？佢覺得依個唔好，所以唔想比佢摸，

另外就係我處理佢想咬人時o既方法唔o岩，因為每次菲比想咬人，

我就會打佢，咁菲比唔知道我點解要打佢，

因為佢覺得自己唔想比人摸係o岩，

而我打佢佢就唔知係咩原因，其實如果對方係唔驚狗的話，就由得佢，

因為菲比唔係真係想咬對方，只係試探對方，睇對方驚唔驚佢，

其中有個訓練員就一路同我傾計一路比食物菲比，

最初菲比都有想咬佢的動作，但佢唔理菲比，繼續同我傾計，

反而我好擔心菲比真係咬佢，一路望住菲比，佢就叫我唔好理菲比，

繼續同佢傾計，菲比真係無咬佢，之後仲乖乖食佢比的食物，

又比佢摸，希望菲比六堂後學識人o地想摸佢o既動作其實係鐘意佢，

唔係有敵意的，乖乖比人摸啦！

又親眼見到個領袖點樣拖一隻會搶繩的狗狗，

佢第一次拖果隻狗，但隻狗竟然無搶繩，仲要個領袖行，

隻狗就行，佢停，隻狗就停，真係好犀利呢？

話就話上到十點半，我o地上到成十一點多d，

最後選擇同菲比坐的士到元朗，再轉小巴返大埔，

call咗好耐都call唔到車，又就o黎十一點半，

好驚無車返大埔要由元朗去上水再轉車返大埔，

係我諗緊搵唔搵爸爸幫手call叔叔，睇佢o黎唔o黎車我返大埔之際，

(因為諗住call得叔叔車，就直接返埋大埔啦)

就call到車，所以就坐的士先去元朗，

我o地好好彩，坐到最後一班小巴，

起初菲比仲睇車外風景的...

不過一陣就瞓著咗lu，佢今日都好攰啦！

因為訓練班到有好多o野食，所以為菲比預備的食物有剩咁多，

留比佢第二日食...