上堂時領袖講過用頸繩容易過用胸帶，
所以有瘋狂購物症o既我，當然又買啦！
搵咗好多間到最後都係要去愛犬站買果條頸圈，
然後襯埋條拖繩...尋日返工已經心掛掛，
收工諗住去博一博佢o地收工未，
因為佢o地成日都成十一點幾都未收，更何況係星期六呢？
果然未收，仲有人未接狗狗，可以慢慢揀拖繩添...
買咗頸繩，諗住今日帶佢去大尾督行下的，
但怕大尾督有好多狗，又怕佢用唔慣頸繩，又會繼續搶繩，
又會撲狗，整親條頸就麻煩啦！
最後夜晚佢去咗行河邊，起初佢都唔係好肯行，
成日都想我抱佢，我當然唔理佢啦！
撲完單車比我鬧，又會乖乖坐係到，等我行佢先行...
頸繩果然容控制得多，佢好乖咗貼住我腳邊行...
GOOD...
行行下行到去一田附近o既公園，原來果到真係有好多狗...
不過菲比就超驚，要我抱，唔肯落地，
要我迫佢先肯落地...
仲放埋繩比佢自由活動，不過佢始終都係驚驚，
一陣就走返o黎我到...
想入去，我當然唔比佢入啦！
我o地玩到成十點幾先行返屋企，一路都無用拖繩，
菲比都幾乖，只係有時想撲單車同跑緊o既人，
但我通常都係佢撲之前就NO咗佢先，佢都肯聽，
有時走遠咗，我一叫佢佢都係走返o黎！
我同怪獸都有去過
回覆刪除[烈女菲比10/13/2011 12:32:45]有好多狗狗，菲比超驚...
鐵鍊嗰條係p鍊嚟架?? 係咪一扯個圈會收窄嗰隻嚟??
回覆刪除[烈女菲比10/13/2011 23:40:23]我星期二係北京見到有你講果隻尼龍料o既！不過又覺得o岩o岩先買咗，都係唔買喇！不過d導師話菲比果條太大，太長，所以我都諗住星期二買北京果條...
[奶茶麥皮mami回覆10/13/2011 17:38:18]其實你嗰條係鐵練, 會好痛架... 如果真係教練教你要用呢款都應該係一隻尼龍料嘅... 好似奶昔ma講嗰隻chok chain/半chok chain... 不過我都係覺得普通頸帶已經ok
[烈女菲比10/13/2011 14:09:04]菲比以前都有用過頸圈，佢都會搶繩，不過領袖話其實佢改變咗搶繩o既習慣後可以用翻胸繩...所以要屈就一下菲比，等佢上乖乖跟我行後就可以用翻胸繩啦！
[奶茶麥皮mami回覆10/13/2011 13:37:31]其實佢會好唔舒服~ 如果佢唔算大力(即係你控制到佢嘅情況下)... 用普通頸圈已經夠, 奶茶麥皮我都用頸圈, 都唔會搶繩行前~ 遇到突發情況外
[烈女菲比10/13/2011 12:33:55]係呀！起初菲比都有搶繩，我都好驚會整親佢，不過佢搶咗幾次次後就知道會唔舒服，跟住就無搶啦！淨係有時見到單車或跑緊o既人先會搶一搶，不過如果提早no佢就會無事...
菲比之前係咪好搶繩家?個師傳都有叫過我地轉.chok chain,半chok chain,頸帶都得.不過我地真係好驚chok chain果d會整親佢地,所以用頸帶.
回覆刪除[烈女菲比10/13/2011 23:42:28]菲比用頸帶都會搶繩呀！因為我會就住佢，但用宜家依條佢一搶就會退翻後，雖然我都有就住佢，但佢都會覺得唔舒服...