菲比最近唔知做咩呢？成日都心事重重咁，
要我聊佢先會同我玩下，但去街又會好開心喎！
要我聊佢先會同我玩下，但去街又會好開心喎！
唔知係唔係返中班後，菲比少咗落街所以唔開心呢？
無法啦！無日瞓到成十二點，太陽又猛又熱，夜晚返到屋企又攰，
唔知點解返中班特別攰d咁，返夜班都無咁攰...
唯有盡量早d起身，十點零鐘起到身就同佢落樓行一圈，
如果唔係果日就無得落街囉！
又會唔會係大個女o既關係呢？
係唔係同人一樣會唔舒服呢？
菲比﹕媽媽，妳都唔明白我o既...
媽媽﹕我又唔識聽狗話，又唔識傳心術，真係唔知妳點解唔開心喎！
前幾日菲比成日都搵d枕頭o黎un，
我當然阻止佢啦！依兩日仲衰到不停想搵我隻手o黎un，
我當然唔會比佢un啦！咁佢就好似發癲咁不停用手抓我，
又用個頭頂我隻手，又成日都企係度，對手按住我博頭，
然後就係咁lum我，都唔知佢想點！？！
比我鬧完又走出廳(鄧)底爬係到，見到佢好似好可憐咁，
叫聲bb豬佢就走翻入o黎，但又不停咁撞我，
又比我鬧，又走去(鄧)底...
菲比呀菲比，如果我可以知道妳想點妳話幾好呢？
菲比﹕我夠想媽媽知我想點啦！
菲比E+幾大呀? 起左水未呀? 我地三個可能好早做左desex，所以無呢種行為! 菲比雙眼真係好似心事重重wor....腍緊咩呀?????
回覆刪除[烈女菲比09/29/2011 01:31:55]菲比宜家就o黎十一個月大，o岩o岩係中秋節果日大個女，本來我都有諗過係菲比大個女前做絕育的，但我又想比菲比做一次媽媽，所以到宜家都未絕育，不過我會係佢第二次起水o既時候決定比唔比佢生bb，因為聽講話第二次起水生果胎bb係最靚...
唉, 我同你一樣, 都唔知隻衰豬想點, 成日好似好多心事咁. 又成日匿o係 sofa 底唔肯出來, 都唔知係因咩事.
回覆刪除[烈女菲比10/01/2011 01:21:39]我諗都係，因為菲比好鐘意去街，不過自從轉咗中班之後，佢一個禮拜先出得一兩次街...
[三水媽回覆09/30/2011 23:01:39]我估佢地係好悶囉, 好想你可以同佢玩或帶佢出街.
[烈女菲比09/29/2011 15:27:17]佢係唔係鐘意sofa底呀！我唔係屋企時，聽屋企人講菲比只會係三個地方，一係我張床，一係(鄧)底，一係我細佬房門口側的空位，我諗可能佢最近自由行多咗，所以都無咁痴身，有時無鬧佢佢都自己匿係(鄧)底...
[三水媽回覆09/29/2011 11:03:18]你鬧佢, 佢驚, 緊係匿埋啦, 但我冇鬧三水仔時, 佢都會成日匿O係SOFA 底, 可以匿好耐唔出來, 都唔知點解既?!
[烈女菲比09/29/2011 01:34:33]佢係唔係都係大個女呀！唔知狗狗會唔會同人一樣...係呀！菲比宜家一比我鬧就匿係(鄧)底，有時好耐都唔o黎搵我添，唔知係唔係因為大個咗，無咗痴人呢？...
原來女仔起水果陣都係un家?我之前以為淨係男仔先會un家咋...宜家菲比起完水未啊?聽日就開始上第一堂啦,你地準備好未啊^_^?好好玩家.
回覆刪除[奶昔芝麻Miffy回覆10/04/2011 13:38:23]上堂好好玩家，人狗都好開心。你之後就會成日都想去家啦^_^
[烈女菲比10/04/2011 00:20:56]菲比起完水啦！我為咗上堂由夜班轉咗中班，逄星期二就返早班，好期待明天上堂呀！